In dem Gschichtji geit s um än Büob, deer am a Tambuurund Pfiifferfäscht schwärmerisch, ja fascht fanaatisch, hinner m Umzug de Müsikanntu hinnerschi nalöüft. Was fer än grandioosi Müüsig. In er Schüol leert dr Felix ds Sofi kennu. Schii isch vam Nachbardeerfi e nöü derzüogschtossu. Ds Sofi sezzt schich in ner Klass näbu du Felix und ds Gsicht vam schüüchu Felix wird blüotroot. Wa de dr Felix va schiinum Onkl Muri äs Trummlbokkji und zwei Schleggla gscheicht berchunt, fat der Büob fliisig afa iebu. Ds Sofi isch öü im Tambuur- und Pfiifferverei, wa di Blikka va dene beed immer wider uf enander träff und, obwoll schich ds Sofi fär d Natwärrischpfiiffa entschidu het und nit fer än Trumma. Ämaal mit de groosu Müsikantu am a Tambuur- und Pfiifferfäscht mit z schpilu, das isch dr ultimatiiv Tröüm va dene beed. Wird schich der Tröüm jee erfi llu? Und cha ds Sofi du Felix als Fröünd gwinnu?